انا عارف ان ده مش مكان موضوعى ده وان مكانه قسم القصائد بس معلش بقى استحملونى
ده شعر منقول يعنى مش انا الى كاتبه وبالصدفة لقيته على الشات يعنى كانت واحدة بقوله على الشات واستأذنتها انقله للمنتدى هنا هو أثر فيا بجد لانه بمنتهى الصراحه لمس فيا تجربه مريت بيها اتمنى يعجبكم هو شعر عامى بسيط جدا لمبتدئة لكن معناه وصلنى مش اطول عليكو بقى انا رغاى اوى
[ندعوك للتسجيل في المنتدى أو التعريف بنفسك لمعاينة هذه الصورة]بعنوان : ( ريشة قدر )
على وش موجه سحر
لقيت وشين
رسمتهم ريشة قدر
لمين
قلب فيهم طيب والتانى حجر
ومنين
الغيمة تعشق المطر
ومنين
سابته ينزل على وش الحجر
ولفين
واخداه دنيته وهو انكسر
وياعين
من شاف مكتوبه وصبر
ياعين
لابد من يوم ينتصر
آمين
على غدر الدنيا والبشر
والسنين
اصبر يا قلبى على المقدر
عالجبين
واوعى تحتار انت وتفكر
اتنين
ما منهم مهروب ولا مفر
جنين
فى بطن امه بيعيش ويكبر
ودفين
انكتب عليه الموت والقبر
حزين
ليه وكله مكتوب ومقدر
وياعين
الى عليك انكتب واتقدر
عالجبين
بينكتب ويتنقش عالحجر
يومين
فى الدنيا عايشينهم سفر
ماشيين
فى دنيا فيها الظلم اتنشر
عايزين
نحس بامان بين البشر
وشايفين
ناس عميا مالهاش نظر
وليها عنين
ياقلبى وحد القوى المقتدر
المكين
سبحانه على عبده قدر
والدين
لابد فى يوم تدفعه مجبر
حزين
