ادمان الانترنت والشات - الاسباب والمقومات والعلاج - موضوع متعدد المراحل

بسم الله الرحمن الرحيم

موضوع مش محتاج مقدمه لشرحه كلنا بنعانى من ادمان الانترنت والشات والمواقع بكافة انواعها وناس كتير ان لم يكن كل الناس بيقولوا نفسنا نبطل نت وطبعا بيقولوا كده بلا ارادة لان من جواهم نفسهم زى ما هيا مش راضية عن حالها زى ما هيا تتمنى ان يكون الانترنت هو حياتها كلها وكتير مننا بيقول فى نفسه ياه لو كان شغلى وحياتى وكسب قوت يومى من على الانترنت ده كان يبقى متعه وبلا انكار فى كتير فعلا ربطوا حياتهم بالنت اذا كان حب او شغل لو غيره من الامور المتعدده للحياة
لكن
هل الانترنت هو الحياة الى انت تتمناها ؟ هل انت راض من داخلك وانا بقول من داخلك عن حياتك دى ؟ عن جلوسك كل يوم اكتر من ساعتين او تلات ساعات على الانترنت لتصل عدد ساعات جلوسك امام جهاز الكمبيوتر الى اكثر من 12 ساعه وممكن تطبق يوم كامل 24 ساعه على الكمبيوتر ذلك الجهاز الذى يعتبره البعض نقمه وليست نعمه لان الانسان نفسه الى اخترعها واوجدها للحياه هو نفسه الى بيستغلها اسوأ استغلال ممكن تتخيله بشتا الطرق والامكانيات بيستغل كل ما فيها من حسن وقبيح امور تشيب لها الولدان وانا اقصد ذلك بالمعنى ذاته لان فعلا فى امور انتو ممكن متتخيلوش الانسان بيخوض فيها ازاى اقل شئ ممكن اذكره الهاكر ( البلاك بيرد ) او زى ما بيقولو ( البلاك هات ) زوى القبعه السوداء الملثمين بمعنى اخر يفهمه العامه الهكر زوى السمعه السيئة والمطاردين من قبل السلطات بالعاميه اقدر اقول عنهم انهم بيخربوا بيوت ناس كتير وممكن يكونوا سبب فى افلاس شركات كتير وبنوك وبالتالى تجريد موظفين من شغلهم وقفل باب رزق اتفتحلهم وخراب بيوت كل ده بضغطة زر او بحركة ماوس وانتر طيب ليه ده كله مش عارف ومثال اخر اعلانات عن بيع الاطفال الاب يضع مواصفات ابنه او بنته على الشات او على موقع اعلانات ويعرض بيعه وبعيد عنكم المواقع الاباحية الى ربنا يحفظنا جميعا منها ويقينا شر دخولها ودى اكبر دليل على قوة العزيمة فى ناس كتير مدمنين مواقع اباحية وبيدوروا دايما على الجديد فيها وبيتباهو بيها لدرجة ان فى منتديات عربيه ومصرية فتحت ابوابها لكل من يريد الحديث فى الجنس وآسف على الكلام بس ده الواقع وناس عملوا منتديات مخصوص لكل ما يخص الجنس والعياذ بالله من الشيطان الرجيم اللعين اللهم احفظنا واجعلنا على المحجى البيضاء آمين انا مش هطول عليكو بس الموضوع ممتد وهنبدأ فيه قريبا سلسلة من الاقتراحات ومناقشات عن اسباب ادمان الانترنت وكيفية التخلص منه والعلاج وعن كل ما يخص هذا الموضوع بإذن الله تعالى قريبا جدا هو عشان موضوع كبير بس فمحتاج منى وقت اكبر لترتيبه وجمعه وتنسيقه حتى يكون على شكل متسلسلة مواضيع عشان منصبش بالملل هانزل كل يوم او كل يومين جزء منه

وطلبى ان الكل يدخل يقول ايه الى هو عايزه فى الموضوع ده وكل واحد عنده استفسار اتمنى بجد يقوله وانا بإذن الله ادرجة فى الموضوع واى حد يكون عنده شئ يخص الموضوع يحب يتكلم فيه يقلى وانا مستعد بإذن الله تعالى وآسف للإطالة ونبدأ من بكرة ان شاء الله تعالى

دمتم بخير وصحة وتمنياتى للجميع التوفيق