حسام درويش يكتُب : يابهيه

قصيدة : يابهيه
" فى حُب مصر "

في جوآ مِنِك شئ يخَّوِف
وسط لخبطّت الظروف
خايف اصبُر أنسى إنى
فـِ بلدى معمّى مش بشوف ..!
كتير معانى جميله فيكى
مبقتش قادره تهِزِنى
عشت طول عُمرى حاميكىِ
وضهري خايف ينحِنى ..!
إظهِريلى الحق فين
إنهىِ جوانا الخلاف
ليه قَسَمنا الروح روحيِن
نفسى يرجع لـِ إتلاف ..!
رُدى فينك يا بَهيّه
فيِن جمّال ايام زمان
نفسى اعيش عيشه هَنيه
وفيكى يرجع لـِ إتزان ..

لـ الشاعر حسام درويش