ازيك ياواد ياعثـل / ازيك يابت ياموره
لو انتـــ مـــن اعضــاء المنـــتدى دوس دخـــول
لو لــــسه اول مــــره ليــك دوس على تســجـيل

عشان تقبــى واحد مننا وحبيبنا كمـان وهنعمل معاك احلى واجــب




 
الرئيسيةالتسجيلدخول

الســلام عــليكم و رحمـــة الله و بــركاتــه هذا المنتدى للبيع للاستفسار ارجو محادثتى على هذا الاميل .. Zoroo80@yahoo.com تحياتى .. الادارة                                     


شاطر | 
 

 خبايا فودافون وموبينيل

اذهب الى الأسفل 
كاتب الموضوعرسالة
ياسمينا وبس

عضـو زهبـى


عضـو زهبـى


انثى
عدد مساهماتى : 88
انا سنى : 28
موقعك المفضل : جوجل
بتشتغل ايه ؟ : طالبة بكلية الاداب قسم علم النفس
اختر علم بلدك :
ما هيا هوايتك الشخصية ؟ : الكمبيوتر
ما رأيك بهذا المنتدى ؟ : جميل جدا
كيف وصلت لمنتدانا : موقع google
سمـعتـى : 0
نقـاط تميـيزى : 10007
تاريخ التسجيل : 01/12/2009

مُساهمةموضوع: خبايا فودافون وموبينيل   1/12/2009, 1:06 pm

الارقام اللى هاكتبها دى شغاله على نوكيا فودافون او موبينيل او لازم يكون فودافون

نبدأ بفودافون
#100* فودافون لمعرفة الوقت والتاريخ ( فودافون) بس فية بعض الخطوط بتبقى الساعة بايظة بس على العموم ممكن يعرف الوقت الصحيح ويزود ربع ساعة مثلا وكل مرة يشوف الوقت يزود ويبقى كدة عرف الغلطة فى الوقت
وعلى فكرة انا مسكتش اتصلت ب888خدمة العملاء اقولهم انا الساعة عندى مأخرة ساعة الا ربع قالى حضرتك خدمة #100* لسة لم يعلن عنها علشان كدة مش من حقك تسأل بايظة ولا شغالة

#150* فودافون لمعرفة اخر رقم اتصل بيك واحد يقولى طيب منا عندى المكالمات التى لم يرد عليها ممكن اشوفها اقوله بس دة حتى لو جهازك مقفول وحد اتصل هايجبلك الوقت اللى اتصل فيه و التاريخ بس زى ماقولنا فوق الوقت ممكن يكون مش مظبوط وبستخدم لما تيجي تطلع الموبايل من جيبك تلاقية مقفول (اوحش حاجة فى الدنيا لأنك متعرفش مقفول من الساعة كام ومين اللى اتصل ) بس #150* بتجيبلك اللى اتصل وهو مقفول والساعة والتاريخ بتاع الاتصال

#06#* نوكيا تعرفلك السيريال بتاع الجهاز اللى بيبقى مكتوب تحت البطارية على الظهر بتاع شاسيه الموبايل ودة مهم في اية اقولك انا لو الجهاز دخله سوفت الرقم دة بيتغير يبقى بتعرف ان الجهاز دة ملعوب فية او لو اتفتح واتغيرله الظهر بتاع الموبايل ودة الاختيار اللى بيختاره اللى شغالين فى شارع عبد العزيز علشان مايقولكش انه دخله سوفت يقولك دة الظهر متغير علشان وقع منى واتكسر ت حته منه والبورده سليمه والله

#0000#* نوكيا وده بقى علشان يعرف تاريخ خروجة من المصنع علشان تعرف الوقت اللى اشتغله الموبايل من تاريخه وكمان بتجيب اسم الموبايل اللى معاك


#war0anty#* طبعا دى معناها #92702689#* نوكيا بيطلعلك الموبايل عمل كام ساعة علشان العداد اللى جوه الموبايل بيتصفر بأسهل السهوله اما العداد اللى هو بيجبهولك اصلى

#3370* بيعمل اعادة تشغيل الجهاز وفية ناس قالو انه بيعلى الشبكة

#4720* الرقم دة محدش يعرفه خالص المهم انه زي الرقم اللى فوق بيعمل اعادة تشغيل الجهاز والرقمين دول فى الاجهزة القديمة بس اكيد لية فايدة انا معرفهاش

## واحد قالى اطلبها روحت طلبتها قالى طلعلك اية قولتله قالى لم يتم قالى يبقى كدة اشتغلت قولتله يا رااجل ازاى بقة قاللى انت بالرقم دة بتضغط على الشبكة جدا بتشوفها هاتستحمل قد اية لو نزلت تحت خالص يبقى الجهاز بيجيب شبكة وهمية وشبكته ضعيفة ولو نزل شرطة واحدة يبقى الجهاز كويس المهم انى جهازى نزل شرطة واحدة الراجل دة ممكن يكون بيهيس مليش دعوة

#رقم اى موبايل*888* و #رقم اى موبايل*999* فودافون دى برضة اللى يعرفوها قليل اوى وخدمة جديدة من فودافون بيجبلك رقم الباك بتاع اى موبايل حتى لو مش بتاعك الفرق بينهم ان 888 بالعربى و 999 بالانجليزى

#اى رقم*21* و#اى رقم*002* فودافون لتحويل جميع المكلمات على الرقم اللى انت هاتكتبه لو الرقم دة غير صحيح اللى هايتصل بيك يقوله هذا الرقم غير صحيح ولو غير متاح يقوله هذا الرقم غير متاه وهكذا وفيه ناس بتحوله على كابينة ميناتل يقوله هذا الرقم مرفوع مؤقتا من الخدمة بناءً على طلب المشترك بس عمرى مرضيت اشغلها لأنها ملهاش لزمه انك مش هاتعرف مين اللى اتصل بيك الا اذا عملتها بدل ماتقفله مثلا الناس الوحيدة الى بتستخدمه بتوع السنترالات بيشغله التحويل دة علشان مش كل شوية واحد يتصل يقوله الرقم دة بيتصل بيه وهكذا انا معرفش الفرق بين الرقيمين اللى فوق على فكره التحويل دة بيخصم من الرصيد لو حولت على الرقم تانى والرقم دة فتح على اللى بيتصل بيك بيعتبره هو اتصل بيك وانت اتصلت باللى انت محوله يعنى لو كنتى مهول على رقم دولى وواحد اتصل بيك يتخصم نص جنية منه ويكلم هو دولى وانت يتخصم منك 5 جنية بالشفا ان شاء الله اما لو حولت على رقم غير صحيح او غير متاح او اى حاجة بس المهم ان مايتفتح على اللى بيتصل بيك
لفك التحويل دة #21# او #002# على التوالى لو مشغله ب 21 تلغيه 21 ولو002 يبقى تلغيه ب 002

#اى رقم*67* فودافون ده تحويل برضة بس احسن تحويل عند انشغال الخط يعنى انت لو بتكبم واحد يحولهولك على اى رقم يعنى لو محول على رقم غير صحيح يقول لو لنت مشغول هذا الرقم غير صحيح او لما تعمله cancel وهو بيتصل بيك يلاقى فى وسط ماهو بيرن عليك الست تطلع تقوله هذا الرقم غير صحيح يجنن هو بقة ملناش دعوة
يتلغى ب #67#

#اى رقم*61* دة للتحويل بعد 30 ثانية من الاتصال ونفس الكلام اللى قولناه فوق ويتلغى #61#

#اى رقم موبايل*505* فودافون هههههههههههههه طبعا دى حفظنها عن ظهر قلب كلمنى شكرا او كلمنى وجزاك الله خيرا طبعا دي فودافون ليك 3 فى اليوم وفية رقم برضة بتاع موبينيل بس مش حافظة المهم ان التانى بيديك 3 فى الاسبوع

#43*فودافون دي بتاع خدمة انتظار المكالمات وبتتلغى ب #43#

#43#* بتشوف اذا كنت مشغل الانتظار ولا لأ

#878* فودافون بتجيب رقم الخط على الموبايل ودى خدمة من فودافون

فى نوكيا لما بتتغط ok وبعديها * انت كدة بتقفل لوحة المفاتيح من كتابة اى رقم الا اذا كان طوارئ

112 بتفتحلك غلق لوحة المفاتيح وممكن تتصل بس طبعا محدش هايرد عليك لانها مش رقم الطوارئ بتاع مصر وانا مش عارف دى رقم طوارئ دولة اية

911 برضة بتفتحلك لوحة المفاتيح بس دى طبعا الطوارئ بتاع امريكا

08 بتفتحلك غلق لوحة المفاتيح برضة بس مش عارف برضة بتاع طوارئ دولة اية ؟

اما طوارئ مصر 122 وطبعا مش بتفتح قفل لوحة المفاتيح (مصر مين والناس نايمين)

#0#* بتجيبلك only 1 sim يعنى بطاقة واحدة فقط ولا اعرف لماذا تستخدم لو حد فيكم يعرف يقول ؟ فى موضوع التحويل اللى فوق فى ارقام لمعرفة الحالة الموجود عليها الجهاز الان

#21#* و #002#* لمعرفة اذا كنت مشغل تحويل جميع المكالمات ولا لأ. دة غير ان ممكن تعرفها من علا مة عبارة عن سهم معووج على الشمال فوق قى الشاشة بس دى لما تكون محول جميع المكالمات فقط

#67#* لمعرفة اذا كنت مشغل التحويل عند انشغال الخط ولا لأ .

#61#* لمعرفة اذا كنت مشغل التحويل عند عدم الرد ولا لأ .
فى حالة التحويل عند انشغال الخط والتحويل عند عدم الرد لا يوجد سهم معووج علشان كدة الطريقة الوحيدة لمعرفة اذا كنت مشغل هذة الخدمة ولا لأ هى الطريقة العليا


اول مرة اشوف الارقام دى و حتى معرفش هى بتعمل اية المهم انها بتعمل حاجة بس اية معرفش ( ربنا يستر يمكن بتبوظ )

#111* بيطلعلك كلمة only 1 sim

زى #0#* اللى قولناها فوق معناها اية معرفش

#77#* بيقولك رقمى يعرض للمجيب عند الرد معناها اية الله اعلم ولو عامل جهازك انجليزى هايطلعلك my number sent on answer

#333* بيقولك you are not eligible for this servise الكلام دة اتغير دلوقتى بقى بيقولك THE SERVISE ACTIVATED PLZ CALL 888

اتصلت ب 888 قاللولى مفيش حاجة اسمها #333* ماسمعناش عنها قبل كدة قولتله انا قالى اتصل ب 888 قالى منا جربت وقاللى كدة برضة ومعرفش دي بتاع ايه قاللى بس على العموم اتصل ب #002# لإلغاء اى تحويل وان شاء الله هاتلغى الاشتراك بتاعك فى الخدمة اللى انا معرفهاش

على فكرة دلوقتى بقة لما بتصل #333* بيطلعلى YOUR HEADSET IS NOT RECOGNIZED. FOR SUPPORT CALL888 بس لو كانت RECOGNIZED مش عارف يبقى الخدمة دى بتعمل اية

#555* ودى اغرب حاجة بيطلعلك HG=201 دلوقتى بيطلعلك you are not eligible for this servise

على فكرة الكلام كله بتاع المرة دى ملهوش لزمة لو اخدت بالك بس هو دة اللى عندى حتى الان وفى رقمين هاكتبهم المرة الجاية لان هادور عليهم لأنى كنت عارفهم زمان وكنت بعرف هما بيعملو اية بس ناسى دلوقتى لما اعرف ابقى اكتبهم

الكلام اللى انا قولته فوق انه ممكن يبوظ لا اعتقد هذا لأن مفيش كلمة انك اشتركت فى خدمة او هانغيرلك حاجة او الكلام دة

848 ببلاش لمعرفة اخر معاد للشحن ودلوقتى فى سوبر دردشة تعرف بيها كام دقيقة اتكلمتها لحد دلوقتى لأنك اقل من 30 دقيقة بيخصم 7 جنية واكتر من 30 دقيقة بيخصم 5 جنية واكتر من 45 دقيقة مابيخصمش

868 ب 20 قرش المكالمة كلها لمعرفة رصيدك او تحويل الرصيد من 5 الى 50 فى المرة الواحدة

808 خدمة البريد الصوتى يعنى الانسر ماشين بفلوس على اللي بيتصل يعنى لو انت ماردتش او كنت مغلق هايفتح عليه ويقوله قول الرسالة بعد سماع الصفارة

858 ببلاش طبعا لشحن الموبايل بتدخل 14 رقم
على فكرة لو معرفتش تقرأ 5 ارقام من ال14 رقم اتصل ب888 ويقولك عل الارقام اللى ناقصاك اما لو اكتر من 5 يبقى راح عليك الكارت

888 بجنية ونص المكالمة كلها خدمة العملاء هايقولك لو عايز الباك دوس رقم اى حاجة ( طبعا انا قولت فوق ازاى بنجيب الباك ببلاش ) ويقولك لوعايز تعرف معلومات عن نظامك دوس كذا المهم انك لو عايز تكلم واحد من خدمة العملاء دوس 0 زيرو وتتكلم معاه وتحكيله مشكلتك

880 مش عارف رسوم التحويل كام لتحويل من نظام الى اخر ( دلوقتىمفيش تقريبا الا الاصلى وسوبر دردشة ) وأكيد هايعملوا جديد بعد ماموبينيل عملت صلاحية مدى الحياة

5555 بجنية ونص الدقيقة للكوول تون

800 ببلاش لمعلومات عن خدمات فودافون

فيه خدمة تانية مقولتهاش بس بفلوس
لو انت قافل الموبايل فترة كبيرة أو موبايلك كان غير متاح وعايز تعرف كل اللى اتصلوا بيك فى خلال هذة الفترة ممكن تشغل هذة الخاصية

#777* بفلوس بتتصل بيها بعدين بيبعتلك رسالة يقولك انك شتركت فى هذة الخدمة واول ما تفتح الموبايل يبعتلك رسالة يقولك ان فيه حد اتصل بيك بس مش بيقول هوة مين لو عايز تعرف اتصل على #777* ولو اتصلت هايسحب منك نص جنية لو انت كارت وربع جنية لو انت خط (بزنس يعنى)
يبقى كدة لو انت متصلتش مش هاياخد فلوس ولو عايز تعرف هوة مين اتصل وهياخد فلوس يبقى ممكن تستنى لما يجمعوا عدد كبير من اللى اتصلو وبعدين تصل ب #777* ويجبلك ارقامهم كلهم فى نفس الرسالة

فيه رقم تانى بيساويه هو #110* بس مش معروف

قولنا قبل كدة ان فية خدمة ببلاش بتجيبلك اخر رقم اتصل بيك حتى لو انت قافل الموبايل #150*

فيه خدمة اسمها ال minicall


خدمة الvoice sms من موبينيل

هية هية الmini call بتاع فودافون اللى قولناها فى الاول
اى رقم موبينيل *

ب30 قرش

وبتتكلم 30 ثانية

تقريبا فودافون هية اللى قلدت موبينيل فى الخدمة دى والله اعلم

رقم الموبايل* ب30قرش المكالمة كلها تكتب * بعديها رقم الموبايل وبعد كدة اتصال هايقولك سيب رسالتك ولما تخلص دوس على اى رقم تروح رسالة لرقم الموبايل اللى انت كاتبة تقوله ان فيه واحد بعتلك minicall ولو عايز تسمعها اتصل بـ *0* ببلاش يتصل بيها يسمع الرسالة اللى انت سيبتهاله ويقوله لو انت عايز تسمع الرسالة تانى اتصل ب

*1* ب30 قرش المكالمة كلها علشان يسمع اخر رسالة تانى نسيت اقولكم انكم بتتكلموا 30 ثانية بس

#100# ببلاش اسمها موبيليست بيجيبلك
1- تحويل رصيد
2- اعادة الشحن
3- معلومات عن حسابك (استعلام عن الرصيد) ب 20قرش
4- التالى
وهتلاقى كلمة ANSWERاو كلمة رد على الشمال دوس عليها هاتلاقى صفحة بيضا اتفتحت اكتب 4 هايجبيلك
4- أطلبنى
5- خدمات وعروض موبينيل (الجديدة )
6- عالم المرح والمعلومات ( بفلوس)
7- الضبط (لضبط القائمة اللى فوق )
اى اختيار من الاختيارات اللى فوق اكيد مفهوم هوة بيعمل اية

# رقم كارت الشحن*102# للشحن السريع

# رقم الموبايل *104# خدمة اطلبنى (كلمنى شكرا) على فكرة لموبينيل فقط و 3 مرات فى الاسبوع (علشان تعرفوا ان فودافون كريمة جدا ) فودافون بتبعت لموبينيل وفودافون و3مرات فى اليوم

446 ببلاش لمعرفة فترة الصلاحية بيبعتلك رسالة بعدد الايام اللى باقيلاك فى الصلاحية (على العموم الف مبروك على مدة الحياة يا ال موبينيل ) شوفوا بقة الاستخدام الجديد للخدمة دى كدة كدة الرسالة دى ببلاش يعنى اطلب 446 وتجيلك الرسالة وتشوف تاريخ الرسالة يبقى كدة انت عرفت الوقت والتاريخ
يعنى دى بدل #100* بتاع فودافون يبقى اللى عايز يعرف الوقت والتاريخ فى موبينيل يتصل ب 446 علشان متقولوش انى حارمكم من حاجة

444 للشحن - او شحن للغير - او تحويل رصيد -تشترى بية صلاحية بالرصيد اللى عندك

8000 بفلوس حجز شركات او فنادق او طائرات

777 بفلوس على اللى بيتصل بيك بريد صوتى ( الانسر ماشين)

250 او 110 بجنية ونص المكالمة كلها خدمة العملاء على فكرة اول 3 مرات مجانا (كدة ابدأ احترم موبينيل )

445 الاختيارات اللى هايديهالك
1- استعلام عن الرصيد ب20قرش تدوس واحد هايفتح قائمة تانية
(1) استعلام عن الرصيد
(2)ميعاد اخر رسالة ورقم المرسل الية (خدمة جامدة من موبينيل )
(3) اخر مكالمة والمدة والرقم الى اتصلت بيه (كدة فعلا الواحد يحترم موبينيل ان الخدمات دى مش فى فودافون)
2- استعلام عن اسعار المكالمات ببلاش
3- لتغيير اللغة ببلاش
4- معلومات عامة عن موبينيل ببلاش
5- استعلام عن الباك بتاع اى رقم اواستطلاع عن رقم الخط ببلاش
6- للحصول معلومات عن نظامك ببلاش


442
1- للاشتراك فى احد الانظمة ( لتغيير نظامك)
2- للاشتراك فى احدى الخدمات
3- للمزيد من المعلومات عن انظمة الو
4- لمعرفة الخدمات اللى اشتركت بها

300
1-احدث عروض موبينيل
2- استعلام عن اشتراكك
3- خدمات موبينيل افراد
4- خدمات موبينيل شركات
5- أقرب مراكز خدمة العملاء

4*888* دى بقى لتشغيل خدمة فودافون لايف وفيها ممكن تدخل بجنيه واحد فى اليوم على موقع فودافون لايف يعنى تقراء الاخبار والبورصة والكلام ده انما اى حاجة تانى بتدخل عليها بتتحاسب بالكيلو بت يعنى خراب بيوت مستعجل وطبعا تقدر تبعت الصور وكدة وطبعا كله بحسابه .. وعلى فكرة الاستقبال ببلاش

#41*888* للالغاء

وخد دى كمان

#5*888* دى بقى لتشغيل خدمة التجوال .. يعنى لو روحت اى بلد غير مصر وعايز تشتغل بنفس رقمك تروح مدخل الرقم ده وخطك هيشتغل على طول (فودافون طبعا)

ملحوظة : انك هتتحاسب دولى فى حالة انك شغلتها بس المصلحة انك هتشتغل برقمك يعنى .

انا قولت قبل كدة ان #100* بتجيبلك التاريخ والساعة بس ساعات بتبقى مش مظبوطة لقيت حركة حلوة ممكن تجيب الوقت والتاريخ

#888* دى طبعا قولناها انها بتاع الباك او الايف او التجوال بس اللى انا هاقوله انها بتبعتلك رسالة ومن الرسالة دى ممكن تشوف تاريخ الساعة والتاريخ بتاع ارسال الرسالة وغالبا بتقبقى الساعة والتاريخ مظبوطين وبعد كدة ماتنساش تمسح الرسالة

فية برضة حاجات معرفش هية بتعمل اية زى

#848* بتجيبلك Lpayt servise is not avaailable

#500* بتجيبلك HLR GHLRH1

مع خالص تحياتى 267824 267824 267824 267824 267824 267824 267824 267824
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
xman

صـأحـب المنتـدىِ


صـأحـب المنتـدىِ
avatar

ذكر
عدد مساهماتى : 2585
انا سنى : 27
موقعك المفضل : http://lovestory1.mam9.com
بتشتغل ايه ؟ : طالب
سمـعتـى : 4
نقـاط تميـيزى : 12086
تاريخ التسجيل : 27/01/2008

مُساهمةموضوع: رد: خبايا فودافون وموبينيل   4/5/2010, 7:47 pm

شكرااااا


الرجاء من السادة زوار و اعضاء منتديات لف ستورى
عدم كتابة اى رد غير لائق او رد غير مفهوم
لكى لا يتم ايقافك من المنتدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://lovestory1.mam9.com
 
خبايا فودافون وموبينيل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: {قًٍســ،ـمٍ ألـكـمَبِيًــ،ـوتـ،ـر & ألأنـتـ،ـرنـ،ـتَ ~ :: منتــدى ألجــوال-
انتقل الى: